Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents PauperissemPazen-Farden lemma sequent

Pazen
Part da la vischnanca polit. da Donat (dapi il 2003) e da la fracz. da P.-Farden, cirq. Schons, distr. Rain Posteriur. Fin il 2002 ha P. appartegnì a la vischnanca polit. da P.-Farden, cun la fusiun a la vischnanca da Donat han obtegnì ils nums rum. validitad uffiziala. Culegna serrada en la part sut da la Muntogna da Schons, unida cun Farden dapi il 1875. 1204 Pazens, tud. Patzen. 1835 44 abit.; 1900 (cun Farden) 64; 1950 64; 2000 64.
Il territori com. appartegneva al terren colonisà e cultivà gia a l'entsch. dal 13. tsch., cun allevament da muvel e cultivaziun dad ers. A partir dal 1204 è attestada sin la Muntogna da Schons ina vischnanca da purs libers cun in'atgna dretgira bassa. Ils signurs da P., menz. il 1219, eran ministerials episcopals. Ils dretgs suverans en la val han exequì successivamain ils de Vaz, ils de Werdenberg ed, a partir dal 1456, l'uvestgieu da Cuira. Il 1458 èn ils da Schons sa cumprads libers. Ecclesiasticamain appartegneva P. a S. Martin/Ziràn. Il 1407 è vegnida fundada la chaplutta da S. Niclà a Farden (cun plevon). La Refurmaziun ha gì lieu avant il 1538. Il 1627 è la vischnanca da P. sa separada ecclesiasticamain da Ziràn ed è s'unida cun Farden, Donat, Casti e Clugén ad ina plaiv. Fin il 1851 ha P. furmà cun ils vischinadis surmenziunads ina dretgira bassa entaifer il cumin da Schons. Construcziun dal stradun 1904-06, meglieraziun gen. a partir dal 1980. La culegna viva o.t. da l'allevament da muvel. Part da la populaziun da lingua rum.: 1980 83% (LM); 1990 63%/83%; 2000 (P.-Farden e Donat) 53,8%/75,6% (ML/Lindic).


Litteratura:
Kdm GR 5, 217; Gem. GR, nr 106, 1984.

Jürg Simonett

lemma precedents PauperissemPazen-Farden lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: