Logo und Banner  

  Lexicon Istoric Retic (LIR)

Lemma    
Chavazzin

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z


stampa

lemma precedent Alvra Ambassadurs  lemma sequent

Alvra , Pass da l'
Pass a 2312 m  tr. Bravuogn e La Punt-Chamues-ch. Passadi impurtant o.t. per il traffic da transit nord-sid sur il Bernina durant il 16. tschientaner. L'A. aveva en general mo segunda prioritad, perquai ch'il traffic sa splegava principalmain sur ils pass pli al vest vers Clavenna; el serviva o.t. a la colliaziun locala, als contacts cun la Vuclina (sauma da vin) ed als transports da sal da las salinas d'Alla en il Tirol. In project d'allianza, stipulā il 1451 tr. la LG e l'Engiadin'Ota, menz. ina crusch sin il pass che sa chattava a Cruschetta (2236 m) da la vart da Bravuogn e che marcava il cunfin vegl tr. l'Engiadina e la Val d'A. Il rapport d'ina delegaziun venez., ch'aveva traversā l'A. sut circumstanzas difficilas ils 29-12-1525, ha svegliā l'interess dals istorichers per il pass. Era il sculptur ed aurer florentin Benvenuto Cellini rapporta da sias stentas da traversar ils pass dal Bernina e da l'A. enturn ils 7/8 da matg 1537; la gronda naiv aveva mess el e ses cumpogns pliras giadas en privel da mort. Da quel temp n'existiva nagin ospizi sin il pass. Pir pli tard č vegnida averta in'ustaria al Crap Alv. L'avertura ed il mantegniment da la via avevan da garantir ils vischinadis da Bravuogn e da La Punt-Chamues-ch. La cunvenziun da l'Engiadin'Ota cun Chamues-ch de ruptura Albule (1544) reglava o.t. l'avertura dal pass durant l'enviern (11 nov.-1. avr.). La via da l'A., exposta fermamain al privel da lavinas, dueva adina vegnir marcada cun lattas. Ils vischins da Chamues-ch avevan il dretg d'ina taxa da passagi sco recumpensa per il mantegniment da la via. Ins transportava o.t. vin, graun, ris, sal e fier sur l'A. Grazia a las minieras a Bravuogn, a Filisur ed al Pass dal Bernina čn ils transports da minerals e metals sur il pass stads p.p. intensivs. Il 1548 ha la Frantscha installā in servetsch postal sin la ruta da l'A.-Bernina per garantir il traffic e commerzi cun Vaniescha; quest servetsch aveva augmentā l'attractivitad dals dus pass alpins. Lung la ruta da l'A., a Cuira, Lantsch, Bravuogn e La Punt-Chamues-ch, čn vegnids obligads viturins spezials da garantir il servetsch postal franzos.
Cun la construcziun da la nova via venez. da S. Marc da Bergam a Murbegn (1593) č il traffic  da transit puspč sa spustā p.g.p. sin la ruta dal Spleia e dal Set. L'A. ed il Bernina han pers lur impurtanza. Tuttina č la via da l'A. vegnida utilisada e mantegnida regularmain. Il 1696 č ella vegnida tagliada en il Crap da Bravuogn ch'ins aveva stuė sviar fin alura. Per siglientar quel han ins duvrā per l'emprima giada en l'istorgia da la construcziun da vias en il Grischun pulvra naira. Il pedagi, fixā a Bravuogn il 1759, cumpigliava taxas per chargias da sauma, chars e schlieusas; l'A. era pia, almain p.p., charrabel. Il 1864-66 č vegnida construida la via actuala da Bravuogn a la Punt-Chamues-ch. Il 1903 han ins avert la lingia da la Viafier da l'A. (VR) cun ses bellezzas viaducts da crap, ses impressiunants tunnels a spirala ed il lung tunnel da Preda a Spinas en la Val Bever che fan part dapi il 2008 dal patrimoni cultural mundial da l'UNESCO.

Litteratura:
R.A. Ganzoni, Davart il cuolm d' A., en: Annalas, 25/1911, 63-71; M. Bundi, Über die Bündnerpässe nach Venedig, en: Schweizer Hotel Journal, 1991, 36-38; 100 Jahre Albulabahn, en: TG, 2003, nr 3 (ediz. giubilara 1903-2003).

Martin Bundi

lemma precedent
 Alvra

Ambassadurs
 lemma sequent


pagina precedenta


©HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna.Per tut ils texts publitgads a moda
electronica valan las medemas reglas sco per la publicaziun stampada.





Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch