Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Martinus ex Martinis [Martin Martin]Marugg, Thomas lemma sequent

Martinus, Joannes
* 1644, † 1733 a Ramosch, da Sent. Figl da Martinus ex Martinis. Reverenda a Sent (dus onns) e Ramosch (a partir dal 1668). Il 1684 è cumparida sia «Philomela», ina collecziun da chanzuns spiritualas e da psalms per part en quatter vuschs, tenor melodias da Johann Wilhelm Simler. Questa collecziun è cumparida en il 18. tsch. en trais ediziuns. Ella cumpiglia era poesias profanas originalas, otg da quellas scrittas da ses bab. Il 1693 ha M. edì cun Andreas Rauch il cudesch da devoziuns «Abyss dal'aeternitat», ed il 1724 è cumparida sia translaziun en ladin dad «Ilg saltar dils morts» (1680) da Johannes Moeli. M. ha translatà parts da la Bibla lad. e vala sco l'autur dal «Cudesch cotschen da Ramosch», ina collecziun da doc. communals.


Litteratura:
Rauch, Homens prominents, 1935, 327-32; Bezzola, Litteratura, 246-53; Deplazes, Funtaunas 2, 83-85.

Martin Bundi

lemma precedents Martinus ex Martinis [Martin Martin]Marugg, Thomas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: