 |
e-LIR / Lexicon
Assistenza e-LIR
Redacziun e-LIR
Contact
Publicaziuns
Links
Sponsurs
Lexicon Istoric Retic (LIR)
Balamburtg Ruina ed aclaun da la vischn. polit. d'Andeer, situads a ca. 1100 m a la via veglia al sid da la vischn. principala ed a l'entrada en la Puntcrap. 1257 Balanburtg, tud. Bernburch, tud. Bärenburg. Dal chastè da B. existan restanzas d'in grond implant. A l'ost èn sa mantegnidas parts dal mir da tschinta ed al sid il foss entaglià en il grip. Il temp da construcziun è nunenconuschent. Signurs de B. èn attestads per l'emprima giada il 1257. B. era il center da l'admin. signurila dal contadi da Schons ch'è passà il 1338 sco feud da l'uvestg da Cuira als conts de Werdenberg-Sargans. Il chastè è vegnì destruì il 1450 en la Faida da Schons e n'è betg pli vegnì reconstruì. En las runcas sut B., a la via da transit per il Spleia ed il S. Bernardin, sa chattavan il 1808 set chasas d'allevaturs da muvel e d'agriculturs. Litteratura: Clavadetscher/Meyer, Burgenbuch, 167 s. Jürg Simonett
©HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna.Per tut ils texts publitgads a moda electronica valan las medemas reglas sco per la publicaziun stampada. |
Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch