Logo und Banner  

  Lexicon Istoric Retic (LIR)

Lemma    
Chavazzin

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z


stampa

lemma precedent Grisch , Andreas [Andreia] Grischun medieval , Il  lemma sequent

Grischun
Chantun da la Svizra dapi il 1803. La derivanza dal num (tal. Grigioni, tud. Graubünden) n'è betg sclerida exactamain. Il 1442 vegn la Lia Sura menz. per l'emprima giada sco grawe[r] Bund, il 1496 sco communitas de grob e lige grisee, il 1499 sco III Ligues Grises. Il num deriva prob. da pannus griseus, quella taila grischa ch'era en il temp medieval in impurtant product da commerzi e d'export e la tipica vestgadira dals Grischuns fin viaden il 20. tschientaner. 1524-1803 Republica (Stadi liber) da las Trais Lias (Lia Grischa, Lia da la Chadé, Lia da las Diesch Dretgiras), entrada en div. allianzas cun la Confed. ed integrada il 1799-1803 sco chantun Rezia en la Republica helvetica, dapi il 1803 sco chantun G. en la Confederaziun. Dal 1512-1797 han la Vuclina, Clavenna e Buorm appartegnì sco Terras subditas a las Trais Lias. Circumscripziun uffiziala: Chantun G., Cantone dei Grigioni, Kanton Graubünden, Canton des Grisons. La furma elliptica "Il Grischun" è sa furmada pir suenter il 1840. Linguas uffizialas dal Grischun: il tudestg, il talian ed il rumantsch (trilinguitad garantida formalmain dapi il 1880/1892).
Il territori dal chantun G. sa chatta al sidost da la Svizra e cumpiglia var 150 vals. La Surselva e l'Engiadina, las duas vals principalas, s'extendan parallelamain cun las Alps. Il Rain vegn alimentà da vasts territoris dal Chantun cun extremas differenzas d'autezza. Al Piz Lunghin sur Malögia, in dals sparta-auas da l'Europa, naschan l'En che curra vers l'ost e sbucca a Passau en il Danubi, la Gelgia che curra vers il nord per s'unir cun il Rain e la Maira che curra vers il sid e sbucca en il Po.




Litteratura:
DRG 7, 829-32; HbBG 4; IG; Durchblick 2008: Graubünden in Zahlen, 2008.

Silvio Margadant (ac)

lemma precedent
 Grisch , Andreas [Andreia]

Grischun medieval , Il
 lemma sequent


pagina precedenta


©HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna.Per tut ils texts publitgads a moda
electronica valan las medemas reglas sco per la publicaziun stampada.





Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch