Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Barandun, JohannesBarandun, Plasch lemma sequent

Barandun, Johannes
* 22-12-1787 a Veulden, † schan. 1870 (?) a Paris, ref., da Veulden. Figl dad Anton ed Ursula n. Liss. Emigrà a Paris il 1800, nua ch'el ha lavurà en ina firma da spediziun. Il 1804 è el daventà cumproprietari d'ina fatschenta a Bordeaux. Suenter in viadi da commerzi en il Maroc ed en Tunesia, è B. sa rendì sco interpret poliglot (tr.a. arab) sin in bastiment da guerra engl. en il Montenegro. Cun turnar sur l'Ollanda e la Belgia en Frantscha è el vegnì involvì il 1815 en la Battaglia da Waterloo. Puspè a Bordeaux, ha el surpiglià sulet la firma da spediziun. Da return a Veulden il 1847, è el daventà mastral da la dretgira d'Ortenstein-Muntogna (im Berg) il 1848. Il 1860 èn cumparidas sias «Fablas, siemis a Wilhelm Tell» ed il 1864 sias regurdanzas «La giuvantegna dilg Johannes B.» - ina survista generala orig. da div. tematicas cun reflexiuns filosoficas e moralas.


Litteratura:
Bezzola, Litteratura, 325; Deplazes, Funtaunas 3, 76-79.

Martin Bundi

lemma precedents Barandun, JohannesBarandun, Plasch lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: