Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SamignunSan Bernardin lemma sequent

Sammler, Der [Der Neue Sammler]
Revista cumparida il 1779-84 a Cuira sut il titel «Der Sammler: eine gemeinnützige Wochenschrift für Bündten», publitgada da la Societad dals amis da l'agricultura, redigida da Johann Georg Amstein. L'intent era da promover ina meglieraziun gen. da l'agricultura. Il S. tradescha il spiert illuministic dal temp. Il nausch clima politic e confessiunal ha provocà il 1784 la dissoluziun da la Societad surmenziunada ed inizià qua tras la fin da la revista.
A partir dal dec. 1804 è cumparì «Der Neue Sammler: ein gemeinnütziges Archiv für Bünden», edì da la Societad economica fundada il 1803. Fin il 1807 cumpigliava questa revista sis carnets ad onn, dapi alura quatter. Ses redacturs èn stads: Johann Ulrich von Salis-Seewis, a partir dal 1806 ens. cun Johann Baptista von Tscharner (* 1751). Ella tracta tut ils aspects da l'economia, q.v.d. l'agricultura, l'industria, la scolaziun, descripziuns dal pajais e.a. En consequenza d'ina crisa interna è la societad vegnida schliada prob. il 1812, e la revista ha chalà da cumparair. Las duas publicaziuns avevan in aut nivel ed èn funtaunas ordvart impurtantas per l'istorgia culturala ed economica dal temp.


Litteratura:
C. Spinas, Der S. (1779-1784) und der neue S. (1804-1812): zwei bündnerische ökonomische Zeitschriften, ms., 1967; S. Margadant, Der S. und Der Neue S.: alphabetisches Register und Autorenverzeichnis sowie geschichtlicher Abriss, en: BM, 1980, 1-22.

Adolf Collenberg

lemma precedents SamignunSan Bernardin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :