Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Cumissiun da postaCumissiun dal Cussegl grond lemma sequent

Cumissiun da transit
Las veglias dretgiras dals ports per la Via Sura (Güglia) e la Via Sut (Spleia) han stuì vegnir remplazzadas sco dretgiras da corporaziun cun pussanza da polizia per motivs da l'unitad statala; il 1816 ha il Chantun cedì la direcziun dals transports a la cumissiun da transit ed ha engaschà quella sco dretgira da commerzi (set comm.). Las vischnancas dals ports ed ils spediturs da Cuira pudevan tscherner mintgamai dus, il Chantun trais derschaders. Cas da bagatella vegnivan decidids dal derschader ch'era a medem temp inspectur dal commerzi a Cuira; en cas da multas da passa 1'000 florins pudev'ins recurrer a la Dretgira chant. superiura. Suenter la refurma dal 1835 e dal 1839 quintava questa dretgira mo pli tschintg comm., elegids libramain dal Cussegl grond. Il Cussegl pitschen (Regenza) nominava da quels il president ed il derschader dals transports. Il 1851 èn vegnidas abolidas la cumissiun da transit e sia dretgira.


Funtaunas:
CDG (revedidas), quad. 5.

Litteratura:
H. Pfister, Das Transportwesen der internationalen Handelswege von Graubünden im Mittelalter und in der Neuzeit, 1913; Schwarz, Gerichtsorganisation, 224-28.

Adolf Collenberg

lemma precedents Cumissiun da postaCumissiun dal Cussegl grond lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: