Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CrestawaldCristiansocials lemma sequent

Crestomazia retorumantscha
Il term Crestomazia deriva dal grec chresto-matheia che signifitga plaschair d'emprender, tscherna da texts per scolaziun. La Crestomazia retorum., edida da Caspar Decurtins, è cumparida tr. il 1896 ed il 1919 ad Erlangen sco ediziun separada da las «Romanische Forschungen» ed è, cun sias radund 7'500 paginas en 13 toms, la collecziun da texts rum. la pli voluminusa. Ella cuntegna manuscrits, litteratura stampada sco era doc. da la tradiziun orala che dattan perditga dal svilup da la lingua rum. sco era da l'istorgia e da la cultura populara tr. il Rain e l'En dal 16. fin a l'entsch. dal 20. tschientaner. La lavur da Decurtins e da ses numerus gidanters en vitgs e valladas ha contribuì decisivamain al svilup da la conscienza rum. (Renaschientscha retorumantscha).
La Crestomazia retorum. è vegnida restampada tr. il 1982 ed il 1985 da la chasa editura Octopus a Cuira ed amplifitgada cun doc. da la Val Schons (tom XIV) e cun in register en tudestg (tom XV, 1986).


Litteratura:
Deplazes, Funtaunas 4, o.t. 50-54.

Adolf Collenberg

lemma precedents CrestawaldCristiansocials lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: