Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Vischnanca giudizialaVisconti lemma sequent

Vischnancas, Corporaziuns da
La Constituziun chant. dal 1854 ed insaquantas separaziuns da corporaziuns da vischnancas posteriuras han transfurmà ils anteriurs vischinadis fin il 1874 en las 224 vischnancas politicas (2007 206; 2011 178). La mancanza d'abitants (emigraziun, inveteraziun) e da daners (forza finanziala indeblida) daventa pli e pli problematica en bleras vischnancas pitschnas. Il suveran grischun ha dentant refusà mintga tentativa da limitar la fragmentaziun da vischnancas, transferind p.ex. las incumbensas administrativas als cumins. Suenter il 1970 han la diminuziun da la populaziun e la situaziun finanziala precara promovì la cooperaziun da vischnancas pitschnas en ils pli div. secturs sco la scola, las sereneras u las societads. En insaquants cas ha quai manà a fusiuns da vischnancas ed a la fusiun p.ex. da l'entira Val Müstair (en vigur il 2009) resp. da la Val Bergiaglia (en vigur il 2010) ad ina vischnanca politica, en general dentant ad ina collavuraziun sin basa da contracts simpels, da fundaziuns da dretg privat e d'implants publics, da societads da dretg civil, d'uniuns da dretg privat sco era da corporaziuns com. e regiunalas da dretg public.


Litteratura:
H.-M. Allemann, Gemeinde- und Regionalverband im bündnerischen Recht, 1983; M. Schenker, Das Recht der Gemeindeverbände, 1986; R. Raschein, A. Vital, Bündnerisches Gemeinderecht, 1992².

Adolf Collenberg

lemma precedents Vischnanca giudizialaVisconti lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :