Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Annalas da la Societad RetorumantschaAnosi, Martin Nicolaus lemma sequent

Anniversaris
Il commemorar ils morts è attestà gia en il temp cristian tardiv. Dals necrologs da la communitad spirituala dal 9. tsch. (claustras e.a.) èn sa sviluppads en il 12. tsch. ils anniversaris, q.v.d. rodels cun ils nums dals morts, las donaziuns a messas fundadas per quels, nums da parents ed auter pli. Els duevan regurdar ils survivents a lur obligaziuns ed eran a medem temp doc. da tempra plitost giuridica (impegnativa) che liturgica. 12. tsch.: «Necrologium Curiense»; 14. tsch.: Degen, Glion, Ruschein e.a.; 15. tsch.: Pleif/Vella, Tujetsch, Maiavilla, Luven, Tumein; ca. 1500: Zuoz.
En il decurs dal temp, surtut a partir dal 16. tsch., han ils plevons fatg anc autras notizias en ils anniversaris, p.ex. davart doc. impurtants, donaziuns, dretgs d'alp, eveniments memorabels da lur plaiv (murias, aura e.a.). Quai renda ils anniversaris funtaunas ordvart impurtantas per l'istorgia locala e regiunala.


Litteratura:
Die Kreise Disentis und Ruis, elav. dad U. Brunold, I. Saulle Hippenmeyer, 1999; HbBG 4, 213-29; Die Kreise Ilanz, Lugnez und Trins, elav. dad U. Brunold, I. Saulle Hippenmeyer, 2004.

Adolf Collenberg

lemma precedents Annalas da la Societad RetorumantschaAnosi, Martin Nicolaus lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: