Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Colani, Gian MarchetCollegium Helveticum lemma sequent

Colani, Timothée
* 25-1-1826 a Lemé (Picardia), † 2-9-1888 a Grindelwald/BE, ref., da La Punt-Chamues-ch. Figl dad Anton, preditgant emigrà, e da Louise n. Née. Studis da teologia e filosofia a Neuchâtel e Strassburg. Confundatur da la «Revue de théologie et philosophie chrétienne» (1850) ed editur da 32 volums da quella 1850-69. Dr.teol., prof. per homiletica a l'Universitad da Strassburg 1864 e per filosofia al Seminari protestant. Magister academic il pli influent da l'Ecole de Strasbourg (lib.). Suenter la surdada da Strassburg als Tudestgs (Guerra tud.-franz. dal 1870-71), ha C. cumenzà ina carriera politica sco redactur da la «République française» (1871) a Bordeaux e Paris e sco maun dretg da Léon Gambetta (1838-82, manader da l'Uniun republicana ed emprim minister 1881-82). Il davos è el stà bibliotecari inferiur a la Sorbonne.


Ovras:
Essais de critique historique, philosophique et littéraire, 1895².

Litteratura:
BBKL 1, 1088 s.

Adolf Collenberg

lemma precedents Colani, Gian MarchetCollegium Helveticum lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :