Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Casanova, JosefCasati, Francesco lemma sequent

Casati, Alfonso
* 1565 a Milaun, † 21-8-1621 a Lucerna. Descendent d'ina nobla famiglia spagn. residenta en Lumbardia. Ambassadur ordinari da la Spagna-Milaun en ils lieus cat. da la Confed. a Lucerna 1594-1621. Diplomat influent, fitg apprezià dals suverans spagn. Filip II e Filip III. C. ha cumbattì vehementamain l'influenza franz. en Svizra ed ha giugà ina rolla impurtanta en l'adesiun da l'Appenzell Dadens (1598) a l'allianza spagn. (Lia d'aur) dal 1587, confermada il 1604 da tut ils lieus cat., cun excepziun da Soloturn; el n'ha dentant betg pudì impedir il patg da la Confed. cun la Frantscha (1602) e quel da las Trais Lias cun Vaniescha (1603). Ses project per in capitulat da las Trais Lias cun Milaun (1604) ha medemamain fatg naufragi. C. ha era participà al Murdraretsch en Vuclina (1619) ed a l'occupaziun da la Vuclina tras truppas spagn. (1620). El ha fundà ina dinastia ch'ha occupà tr. il 1594 ed il 1704, cun interrupziuns, l'uffizi da l'ambassadur spagn. en ils lieus cat. da la Confed. ed en il Grischun.
 


Litteratura:
R. Bolzern, Spanien, Mailand und die katholische Eidgenossenschaft, 1982; A. Wendland, Der Nutzen der Pässe und die Gefährdung der Seelen, 1995.

Rudolf Bolzern

lemma precedents Casanova, JosefCasati, Francesco lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: