Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Cantieni, ArmonCantieni, Toni lemma sequent

Cantieni, Robert
* 6-1-1873 a Ftan, † 11-3-1954 a Cuira, ref., da Pignia. Figl da Dumeng, pur, e da Chatrina n. Secchi, da Ftan. ∞ Elisa n. Lenggenhager, da Cuira. Seminari scolastic a Cuira, magister a Ftan 1892-93 ed a Samedan 1893-1900, daspera scolaziun musicala tar il cumponist Salomon Kümmerli. Studis a Turitg a partir dal 1900 (tr.a. tar Carl Attenhofer e Friedrich Hegar). Dirigent e scolast privat per clavaziun, chant e cumposiziun a S. Murezzan e Samedan dapi il 1910. Scolast da musica a la Scola chant. ed al Seminari scolastic a Cuira 1922-37 e dirigent da div. chors pli gronds, tranter ils quals il Frohsinn, il Rezia (fundatur), l'Alpina (tuts a Cuira), e da la Ligia Grischa/Glion (1924-32, comm. d'onur). Editur da pliras collecziuns da chanzuns: «Las Grusaidas», «La chanzun ladina», «Suldanellas», «Evangelisches Kirchengesangbuch», «La Merlotscha» (collecziun surs., ens. cun Flurin Camathias). Sias chanzuns las pli enconuschentas èn la «Lingua materna» e la «Guardia grischuna». Comm. d'onur da l' Uniun chant. da chant dal Grischun.


Ovras:
H. Hildering, Werkverzeichnis Robert C., 2002 (963 nrs).

Litteratura:
Bedeutende Bündner 2, 400-04.

Adolf Collenberg

lemma precedents Cantieni, ArmonCantieni, Toni lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: