Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BuormBurvagn lemma sequent

Burkart, Walo
* 25-4-1887 a Magden/AG, † 28-11-1952 a Cuira, da Merenschwand/AG, burgais d'onur da Castaneda, nua ch'el è vegnì natiralisà il 1934 cun sia famiglia. Figl da Sebastian, plevon crist.-cat., e dad Anna n. Koch. ∞ Judith n. Lorez. Gimn. a Basilea, stud.insch. a la SPF Turitg 1906-09, insch. forestal diplomà. Assistent a l'Uffizi da selvicultura dal Grischun 1912, selvicultur cirq. 1916. Il 1926-51 ha el deditgà ses temp liber a la preistorgia ed è davantà il piunier da la perscrutaziun archeologica en il Grischun. Curatur da la collecziun archeologica dal Museum retic a partir dal 1926. B. ha chattà e descrit sco emprim las culegnas preistoricas da Crestaulta e Cresta Petschna a Lumbrein-Surin sco era quellas da Muota/Falera, Caschligns/Cunter, Petrushügel/Cazas e var duas dunsainas autras. Numerusas publicaziuns surlonder en il "Bündner Monatsblatt" ed il "Jahrbuch der schweizerischen Gesellschaft für Ur- und Frühgeschichte". Comm. da la suprastanza da la Soc. svizra per la preistorgia 1937-46, comm. d'onur da la SIG 1950.


Litteratura:
FR, 3-12-1952.

Jürg Rageth

lemma precedents BuormBurvagn lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: