Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Nadig, AdolfNagens lemma sequent

Nadig, Eva
* 23-4-1871 a Cuira, † 10-4-1961 a Turitg, ref., da Tavau, Cuira e Basilea. Figlia da Johann Josua, giurist, actuar da dretgira, e da Christina n. Plattner. Sora da Clara Ragaz. Patenta da scolasta ad Aarau 1891, studis a las univ. da Losanna e da Turitg, diplom da mag. secundara d'englais e franzos a Turitg 1898. N. ha instruì en ina scola media per mattas ad Oxford e pli tard en differentas scolas en Svizra. Il 1914 è ella vegnida elegida scolasta a la Scola da dunnas dal Grischun a Cuira. Il 1898 ha ella gidà a fundar la secziun da Cuira da la Societad d'utilitad publica da las dunnas svizras (pres. 1911-27), ed en ils onns 1909-23 è ella stada pres. da la secziun da Cuira da la Federaziun svizra da las dunnas abstinentas. N. è stada ina da las piunieras dal moviment grischun da las dunnas ed è s'engaschada surtut per la scolaziun e la cussegliaziun professiunala da las dunnas. Il 1910 ha ella scrit il gieu umoristic «Der Ruef in d'Hauptstadt».


Archiv:
Fundaziun Gosteli, Worblaufen, collecz. biogr.

Litteratura:
U. Graf, Von Mädchenarbeitsschulen zur Lehrtöchterausbildung, en: Frauenarbeit, edì da S. Redolfi e.a., 2006, 216.

Silke Redolfi

lemma precedents Nadig, AdolfNagens lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: