Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Scolas autas popularas dal GrischunScolas medias lemma sequent

Scolas da purs e puras
La scolaziun da purs chant. ha lieu dapi il 1896 al Plantahof. Il 1931 han las soras dominicanas da l'Institut S. Giusep a Glion introducě, sper lur scolas primara e secundara, la Scola rurala d'economia. A partir dal 1934 č quella vegnida manada sin iniziativa e fin il 1967 era sut la direcziun da sora Maria Paula Lehnherr sco scola da puras privata, renconuschida il 1935 dal chantun Grischun e da l'Uffizi fed. d'industria, mastergn e lavur. Ella č sa schliada il 1995 (1941 65 scolaras; 1970 46; 1995 28). Dapi il 1993 offra ella sut il num Scola vinavon in'autra scolaziun per giuvnas e giuvens.
Il 1949 č vegnida fundada la Scola evang. da puras ad Aschera (Center da scolaziun Palottis, avert il 1950); ils iniziants da quella čn stads Georg Sprecher e sia dunna Alice, ch'han organisŕ la cumpra dal bain Palottis. Purtadras da quella scola čn l'Uniun purtadra e la Baselgia evang. dal Grischun. Il 1954 č la scola vegnida amplifitgada cun il bain de Planis a Stels (in regal), transfurmŕ per curs e vacanzas (retratga dal nov edifizi il 1975). Ils emprims examens fed. per puras han gě lieu il 1977. 1950 40 scolaras (otg curs da stad, 32 curs d'enviern); 1970 15 curs professiunals da puras; 2000 5. Questa partiziun č vegnida transferida il 2010 al Plantahof. Dapi il 1956 exista la Chasa Fliana a Lavin - fundada da Rico Parli, da quel temp reverenda a Lavin - che offra ina scolaziun durant l'enviern. Ils emprims curs čn vegnids dads il 1957/58. Il 1960 č vegnida fundada la Societŕ Scoula da paurs, Lavin e la Chasa Fliana ha offert l'emprim curs parallel per dunnas.


Litteratura:
H. Chresta, Das landwirtschaftliche Bildungswesen im Kanton Graubünden [...], 1947; 50 Jahre Bäuerinnenschule Ilanz: 1931-1981, 1981; Festschrift 50 Jahre (1950-2000) Bäuerinnen- und Haushaltungsschule Schiers, 2000; R. Parli, 50 ans Scoula da paurs [...] Chasa Fliana, Lavin 1957-2006, 2006; LQ, 11-3-2009.

Adolf Collenberg

lemma precedents Scolas autas popularas dal GrischunScolas medias lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :