Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BlumenthalBM lemma sequent

Blumenthal, Moritz
* 1-11-1886 (Max Moriz) a Cuira, † 22-9-1967 a Minusio/TI, □ a Surcasti, cat., da Surcasti. Figl da Giachen Giusep, cassier da posta, e dad Elisa n. Loob. Gimn. a Cuira, studi da geologia a Vienna, Lipsia e Turitg, dr.sc.nat. 1911 («Geologie der Ringel-Segnesgruppe»). Geolog a la Royal Dutch Company en l'Ollanda a partir dal 1912, viadis da perscrutaziun e da prospecziun d'ieli en tut il mund. Legatur dal nov Museum da la natira dal Grischun, avert ils 21-3-1981. Ses testament da var 3,4 miu. frs cumpiglia - ultra d'in legat dad 1,7 miu. frs per la construcziun d'in edifizi nov - anc in tal da 770 000 frs en favur d'organisaziuns socialas e scientific-culturalas.
 


Archiv:
ASGR, relasch fotogr. Moritz B.

Litteratura:
J. Cadisch, Moritz B.: 1886-1967, en: Verhandlungen der Schweizerischen Naturforschenden Gesellschaft, 1968, 179-85; J.P. Müller, Il niev Museum grischun dalla natira, en: Ischi, 67/1982, nr 18, 68-76.

Adolf Collenberg

lemma precedents BlumenthalBM lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: