Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Juon, EduardJuon, Luzius lemma sequent

Juon, Konstantin Fjodorovitsch
* 24-10-1875 a Moscau, † 11-4-1958 a Moscau, ref., da Masagn e burgais da l'Uniun Sovietica. Figl da Theodor Friedrich. Frar da Paul e dad Eduard. ∞ Klaudia n. Nikitina, Russa. Gimnasi a Moscau, alura studis a la scola d'art a Moscau 1892-98 e praticum tar Walentin Serow 1898-1900. Quatter viadis da studi tras l'Europa. Il 1900 ha J. fundà a Moscau l'emprima scola privata da pictura e dissegn. El è stà per in temp prof. a l'Academia dals arts da Leningrad (oz S. Petersburg) ed a l'Institut Serov a Moscau. Pictur da culissas e decors per teaters ed operas cun engaschaments tr.a. era a Paris. Confundatur da l'Associaziun russa d'artists 1903. Pictur impressiunistic da cuntradas e geners, influenzà dal simbolissem. L'influenza simbolistica sa manifesta il pli fitg en il ciclus biblic «Erschaffung der Welt» (1908-1912) ed en «Der neue Planet» (1921), ina pictura che represchenta la Revoluziun d'october dal 1917 sco catastrofa cosmica. L'ovra tardiva da J. è determinada dal realissem socialistic, p.ex. «Parade auf dem roten Platz am 7. November 1941» (1949). Premi Stalin 1943, l'Urden da Lenin 1945 ed autras distincziuns. Directur da l'Institut per scienza e perscrutaziun da la teoria ed istorgia d'art a l'Academia sovietica dals arts 1948-50 e secretari suprem da l'Uniun sovietica d'artists 1956-58. Comm. da la Partida communista. Ses descendents vivan a Moscau dapi il 1951.
La pli gronda collecziun dad ovras d'art da J. posseda la Galaria Tret'jakov a Moscau; davart la pictura (1937, en russ), davart l'art (2 ts, postum, 1959, en russ).


Litteratura:
Bühler, Bündner im Russischen Reich, 353-56 (cun purtret).

Adolf Collenberg

lemma precedents Juon, EduardJuon, Luzius lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :