Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SurselvaSurses lemma sequent

Surselva Romontscha
Uniun regiunala per lingua e cultura, naschida ils 18-3-2006 da la fusiun da las anteriuras societads regiunalas Romania e Renania (surs.) ch'ella represchenta en il cussegl, en la suprastanza sco era, en proporziun a sia fermezza demografica, en la radunanza da delegadas e delegads da la Lia Rumantscha (LR). La Surselva Romontscha cumpiglia l'entir intschess da derasaziun dal rumantsch surs. davent da Tujetsch fin a Domat. Sia finamira è da promover e rinforzar l'applicaziun da la lingua e cultura rum. en Surselva, sviluppar l'identitad regiunala ed interrumantscha e promover ina sauna basa existenziala per la Surselva. Organ uffizial da la Surselva Romontscha è «Nies Tschespet» (edì dapi il 1921), ina secziun è la Surselva Romontscha da Giuventetgna. Dal 1984 fin il 2005 han procurà collavuraturs regiunals, engaschads da la LR e da la Romania resp. da la Renania, per l'animaziun culturala e linguistica en il territori romanian ed en la part renaniana da la Surselva. Il 2000 è quella collavuraziun regiunala vegnida surpigliada dal Center da cumpetenza e management (CCM) cun sedia a Lags che s'engascha a moda innovativa ed iniziativa per il mantegniment e la tgira dal rumantsch en la regiun. En il rom da sias restructuraziuns gen. ha installà la LR il schan. 2006 a Lags in center da promoziun da la lingua e cultura surs. (Lia Rumantscha Surselva). Quest center cumpiglia era il CCM (ch'exequescha o.t. incumbensas per terzas persunas) e la Scuntrada e formaziun Surselva (SFS) che disponan d'in status parzialmain autonom entaifer il manaschi.
 


Litteratura:
LQ, 20-3-2006.

Manfred Gross

lemma precedents SurselvaSurses lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: