Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Vincenz [Vincens, Vinzens], Baltasar Josef deVisavraun lemma sequent

Vinzens, Ursina
≈ * 10-2-1916 a S. Murezzan, † 11-2-2009 a S. Murezzan, ref., da Tschiertscha. Figlia da Benedetg, maister scrinari, e da Veronica n. Koch, da Tumein. Nubila. Scola d'economia da chasa a Cuira, alura per trais onns magistra a S. Murezzan ed intgins onns a Friburg, silsuenter artista libra e temporarmain directura dal Kino Scala a S. Murezzan. Autodidacta en pictura, studis cumplementars tar Max Mühlemann a Berna. Sias ovras realisadas en la tecnica da gouache, ses aquarels e ses maletgs en ieli represchentan cuntradas, purtrets, interiurs e natiras mortas. A partir dals onns 1970 ha V. fatg collaschas cun saidas coluridas e palpiris giapunais. Fin il 1980 è ella stada en la sumbriva da la scena d'art engiadinaisa dominada dad umens. Dapi alura ha ella pudì realisar numerusas exposiziuns en l'entira Svizra, a Cannes ed a New York. Premi da renconuschientscha dal chantun Grischun (1985) e Premi cultural da S. Murezzan (2002).


Litteratura:
Ursina V., edì da P.A. Bloch, F. Rödiger, 2005; BJb, 2010, 168-70.

Adolf Collenberg

lemma precedents Vincenz [Vincens, Vinzens], Baltasar Josef deVisavraun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :