Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Scola auta da tecnica ed economia (STE)Scola da dunnas dal Grischun lemma sequent

Scola auta da teologia Cuira
Il decret davart ils seminaris, relaschà dal Concil da Trent ils 15-7-1563, n'ha l'emprim betg pudì vegnir concretisà en l'uvestgieu da Cuira. Ils teologs cat. pudevan - grazia ad uschen. plazzas libras - studegiar al Collegium Germanicum a Roma, al Collegium Helveticum a Milaun, a Vienna ed a Dillingen (Baviera). L'instituziun d'in seminari da spirituals en il chastè da Rapertg ha fatg naufragi il 1798 en consequenza dals scumbigls da guerra helvetics. L'emprim seminari da spirituals da la diocesa da Cuira è vegnì avert il 1800 da Gottfried Purtscher a Meraun (Tirol dal Sid). Suenter la serrada sfurzada dal seminari il 1807, ha cuntinuà l'abazia premonstratensa da S. Gliezi/Cuira anc il medem onn cun l'instrucziun da spirituals. La Scola auta da teologia, instituida il 1968 a Cuira e purtada da l'uvestgieu, ha schlargià il 1974 ils dretgs graduals per il licenziat ed ha introducì il 1975 la terza via da furmaziun per laics en il servetsch ecclesiastic en uffizi cumplain; il 1991 è quella vegnida separada dal Seminari da spirituals. L'Institut per il perfecziunament e la scolaziun supplementara dals catechets, fundà il 1985, ha entant stuì vegnir schlià. Dumber da students 2007/08 47.

 


Litteratura:
A. Gasser, 200 Jahre theologische Ausbildungsstätte für das Bistum Chur, en: BJb, 2002, 137-48.

Adolf Collenberg

lemma precedents Scola auta da tecnica ed economia (STE)Scola da dunnas dal Grischun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :