Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bezzola, EduardBianchi, Vendramino lemma sequent

Bezzola, Reto Raduolf
* 13-9-1898 a Schlarigna, † 7-1-1983 a Samedan, ref., da Zernez. Figl da Nuot Otto, commerziant, e da Magdalena n. Barblan, da Zuoz. ∞ 1) Paula n. Rutishauser, pianista († 1948), 2) Jacqueline n. de Pury, vaiva Bonhôte, da Neuchâtel. Gimnasi a Cuira, stud.fil. I a Genevra, Turitg, Firenza e Paris, dr.fil. 1922, abilità a Turitg il 1929, docent privat e  prof. da litteratura tal., franz. e rum. a l'Univ. da Turitg 1938-68. En sias perscrutaziuns ed en sias numerusas publicaziuns è B. sa deditgà o.t. al temp medieval franz. e latin. Sper sia carica academica è el s'acquistà gronds merits tras ses engaschament per la lingua e cultura rumantscha. Autur dal «Dicziunari tudais-ch - rumantsch ladin» (1944, ens. cun R.O. Tönjachen, 1976² cun supplement, 1982³) e da la «Litteratura dals Rumauntschs e Ladins» (1979), in'ovra da basa da gronda valur. B. è stà comm. da la cumissiun dal Cussegl fed., convocada il 1970 per intermediar tr. il chantun da Berna ed il Giura.


Ovras:
Les origines et la formation de la littérature courtoise en Occident, 3 ts, 1944-63; Le sens de l'aventure et de l'amour, 1947 (tud. 1961); BR, nrs 490-96.

Litteratura:
Orbis mediaevalis, publ. festiva per Reto Raduolf B., edì da G. Güntert e.a., 1978 (cun reg. d'ovras); BJb, 1984, 166 s.

Lucia Walther

lemma precedents Bezzola, EduardBianchi, Vendramino lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :