Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tschuor, JohannesTschupegna lemma sequent

Tschuor, Oscar
* 2-7-1912 a Rueun, † 29-5-1987 a Cuira, cat., da Rueun.  Figl da Tomas, commerziant, e dad Anna Maria n. Cavelty, da Sagogn. ∞ Elisabeth n. Westreicher, dad Untereggen/SG. Gimnasi a Saint-Maurice/VS, commerziant cun in agen biro da scriver e da copiar a Cuira 1955-77. Dirigent da div. musicas, tr.a. solist da trumbetta 1931-55 e dirigent da la Musica da la citad da Cuira 1965-70.Confundatur (1943) e dirigent (1945-56) da la Musica da mats da Cuira. Confundatur ed emprim dirigent da l'Orchester d'instruments a flad dal Grischun. Fundatur da l'Uniun grischuna da veterans. Cumponist da 22 marschs (tr.a. S. Carlo, Churer Marsch, Bernina-Marsch), da polcas e valzers (en total set tocs). Sias cumposiziuns èn fitg melodiusas, levas da sunar e ordvart popularas. Div. premis, tr.a. in premi da la citad dad Aarau 1986. 


Litteratura:
BT, 1-6-1987 (cun fotogr.); H. Frei, Schweizer Märsche, Schweizer Marschkomponisten, 1988, 113; F. Spescha, Bündner Blasmusikkomponisten und ihre Werke, en: Uniun chant. da musica dal Grischun: 1973-1992, 1992, 45-93.

Adolf Collenberg

lemma precedents Tschuor, JohannesTschupegna lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :