Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Wietzel [Wiezel]Wihler, Albert lemma sequent

Wietzel [Wiezel], Lurainz
* 1627 a Zuoz, † (suenter il 1670), ref., da Zuoz. Figl da Giörin. Frar da Fadrich. ∞ Mengia n. von Planta. Dr.iur. Il 1661 èn cumparids «Ils psalms da David», l'emprim cudesch rum. da psalms e chanzuns cun notas (ad ina vusch), ina translaziun dals Psalms da Genevra tenor la versiun tud. d'Ambrosius Lobwasser (1515-85) e cun las melodias da Genevra. Translatur en ladin da «La prattica da pietaet chi intraguida il christiaun [...]» (1668), tenor Ludovic Baily [Lewis Bayly] (versiun surs. da Christian Gaudents, 1670) e d'in cudesch d'edificaziun e furmaziun etica tenor il pietist ollandais Pierre Poiret (versiun surs. da Conradin Riola il giuven).


Ovras:
BR, nr 5758.

Litteratura:
T. Schmidt, Il movimaint pietist in Grischun e la chanzun religiusa rum. dal 18avel secul, en: Annalas, 55/1941, 246; Bezzola, Litteratura, 240, 244, 281; Deplazes, Funtaunas 2.

Adolf Collenberg

lemma precedents Wietzel [Wiezel]Wihler, Albert lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: