Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Weinzapf, HansWendenzen, Augustin lemma sequent

Weiss, Richard
* 9-11-1907 a Stuttgart, † 29-7-1962 a Russo/TI, ref., da Mettmenstetten/ZH. Figl da Richard Friedrich, cuschinier, e da Bertha n. Kupper. ∞ Liselotte n. Steinbrüchel. Studis da germanistica ed istorgia a Turitg, Heidelberg e Paris 1927-33, dr.fil. 1933 («Das Alpenerlebnis in der deutschen Literatur des 18. Jahrhunderts»). Il project monumental «Atlas der schweizerischen Volkskunde» (1950-89), realisà a partir dals onns 1935 ens. cun Paul Geiger, e «Das Alpwesen Graubündens» (abilitaziun, 1941) han avert al perscrutader la via a l'etnologia folcloristica. L'Univ. da Turitg ha elegì W. il 1945 sco emprim professer d'etnologia en uffizi cumplain, quai ch'el ha quittà il 1946 cun ina nova «Volkskunde der Schweiz»: in'ovra epocala ch'è s'avischinada al canon tradiziunal da la folcloristica d'ina optica funcziunalistica, stabilind qua tras in nov standard era sin il champ internaziunal. Ses resultats èn vegnids consolidads en numerusas contribuziuns tematicamain fitg variadas sco era en il cudesch «Häuser und Landschaften» (1959) e documenteschan il passadi ad ina scienza dal preschent e da l'integraziun correlada cun la tradiziun e la cuminanza, lunsch davent d'ina enconuschientscha da la patria (banala) e d'ina veneraziun dals relicts.


Litteratura:
SAVk, 58/1962, quad. 4; BM, 2006, 417-29; U. Gyr, Pro memoria Richard W. (1907-1962), Symbolfigur der Schweizer Volkskunde, en: BM, 2007, 417-29; SAVk, 105/2009, quad. 4.

Ueli Gyr

lemma precedents Weinzapf, HansWendenzen, Augustin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :