Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Uniun per la litteratura rumantscha (ULR)Uniun refurmistica lemma sequent

Uniun purila grischuna (UPG)
Fundada il 1844 a Cuira cun il num Graubündner Landwirtschaftlicher Verein. Questa uniun ha terminà sias activitads il 1850 ed è sa constituida da nov il 1858 sut il presidi da Friedrich Wassali cun la finamira d'intermediar tr. la Regenza ed ils purs. A partir dal 1877 è cumparì il «Volkswirtschaftliches Blatt für den Kanton Graubünden», fundà da Felix Anderegg, il 1912-1919 il «Bündner Bauernblatt/Die Graue» ed a partir dal 1919 il «Bündner Bauer». Il 1906 èn l'Alpwirtschaftlicher Verein, il Rätischer Viehzuchtverein (fundà enturn il 1885) ed il Kantonaler Landwirtschaftlicher Verein entrads sco comm. collectivs en l'UPG, suenter il 1919 las uniuns regiunalas. Il 1919 è l'UPG sa dada novs statuts ed ina nova organisaziun, tr.a. cun in secretari (en uffizi stabel dapi il 1929) e tschintg cumissiuns spezialas. Il 1942 è ella vegnida transfurmada en in'associaziun. Il 1974 han ins fundà l'Assistenza agricula, in servetsch d'agid per manaschis purils amplifitgà il 1978 cun gidantras da l'Uniun da puras (oz: Servetsch d'assistenza a fam.). Il 1998 è vegnì avert il Center da vendita Cazas-Riòlta. En ils onns suenter il 1990 han las organisaziuns da mazlers e pasterners fundà ens. cun las latgarias, chascharias ed autras cooperativas la "Natürlich aus Graubünden", in'organisaziun communabla da marketing per products agriculs. L'UPG è ina da las organisaziuns las pli potentas dal Grischun ed ina ufficina da carrieras politicas. Ella represchentava il 2011 19 uniuns purilas regiunalas e 13 organisaziuns sco comm. collectivas.


Litteratura:
Heugabel und Computer: 150 Jahre Bündner Bauernverband 1850-2000, 2000.

Adolf Collenberg

lemma precedents Uniun per la litteratura rumantscha (ULR)Uniun refurmistica lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: