Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Societad per la perscrutaziun da la cultura grischuna (SCG)Societads lemma sequent

Societad Retorumantscha (SRR)
Suenter duas emprovas senza success cun la Societad Raeto-romana (1863 e 1870, abolida il 1880) è vegnida fundada ils 15-12-1885 la SRR tras Gion Antoni Bühler (iniziant ed emprim pres.), Giacun Hasper Muoth, Alexander Balletta, Giatgen Gisep Candreia, Christian Modest Tuor, Hartmann Caviezel e Tumasch Gross. Las intenziuns principalas eran: rimnar e conservar ils doc. dal linguatg rum., cultivar quel ed unir - tant sco pussaivel - ils idioms. Per quest scopo han ins decidì d'edir in annuari, las «Annalas da la Societad Retorumantscha» che cumparan per l'emprima giada il 1886 e dapi alura en successiun regulara fin oz. La SRR ha era formulà l'intenziun da publitgar «ün general idioticon rhaeto-roman». La lavur vi da quest'ovra, il «Dicziunari Rumantsch Grischun» (DRG), è vegnida iniziada il 1904 sut l'egida da Robert von Planta ed è oz ina da las activitads principalas da la SRR che posseda cun ses Institut dal DRG a Cuira in center da documentaziun linguistica d'impurtanza eminenta per il studi e la tgira dal rumantsch. Sper quest'activitad funghescha la SRR sco editura d'ovras scientificas e d'ovras da consultaziun, p.ex. dal «Rätisches Namenbuch», dal register da la «Crestomazia» da Caspar Decurtins, da la retscha  «Romanica Raetica». 


Litteratura:
R.O. Tönjachen, La fundaziun, ils fundatuors e l’istorgia da la Società Retorumantscha, en: Annalas, 51/1937, 1-19.

Felix Giger

lemma precedents Societad per la perscrutaziun da la cultura grischuna (SCG)Societads lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: