Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SurcastiSurlej lemma sequent

Surcuolm
Anteriura vischnanca polit., cirq. Lumnezia, distr. Surselva (fin il 2001 Glogn). Fusiunada il 2009 cun Flond a la vischnanca da Mundaun. Il vitg da S., situā a 1367 m, appartegna geograficamain a la planira auta da Sursaissa ed aveva oriundamain ina structura da colonisaziun sumeglianta, cun aclauns e bains sparpagliads enturn il center dal vitg. El č restā cat., cuntrari a las vischnancas vischinas da Flond e Luven ch'han adoptā la cretta refurmada. 1570 surgolm. Il num tud. Neukirch (uffiz. fin il 1943) cumpara pir en il 18. tschientaner. 1850 123 abit.; 1900 55; 1950 83; 1990 93; 2000 130. Colonisaziun davent da la Lumnezia a partir dal 11. tschientaner. Enturn il 1480 cumpigliava S. set bains, colliads politicamain ed economicamain cun Morissen ed incorporads en il 16. tsch. en il cumin da la Lumnezia. La baselgia da S. Gieri, erigida il 1604, č stada fin il 1643 ina filiala da la baselgia da vallada a Pleif/Vella. Enturn il 1630 č sa separada la vischnanca da S. da quella da Morissen, cun la quala ella ha furmā ina cuminanza da pasculaziun fin il 1895. La vischnanca tradiziunalmain purila (agricultura ed allevament da muvel) č sa sviluppada dapi ils onns 1970 ad ina vischnanca turistica cun in vast territori da skis al Pez Mundaun, albierts e numerusas chasas da vacanzas. Meglieraziun gen. cun Flond e per part cun Sursaissa 1964-92. Consorzi da scola cun Flond dapi il 1989. Il 2005 lavuravan 23% da las persunas cun activitad da gudogn a S. en il sectur primar; numerus pendularis. Part da la populaziun da lingua rum.: 1980 79,6% (LM); 2000: 44,6 %/63,9% (ML/Lindic).


Litteratura:
Kdm GR 4, 202 s.; Gem. GR, nr 174, 1983; S., 1997; LQ, 4-6-2008.

Adolf Collenberg

lemma precedents SurcastiSurlej lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: