Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ScudersScumbigls grischuns lemma sequent

Sculm
Aclaun en la vischnanca polit. da Versomi, cun plirs bains isolads in da l'auter tras chavorgias. 12. tsch. Curtis Sculms, tud. Sculms. 1711 54 abit.; 1920 47. A l'entsch. dal 21. tsch. eran abitads mo anc il bain dadora e quel d'amez durant l'entir onn. L'aclaun da S. è stà oriundamain en possess dals baruns de Razén ch'han cedì il 1411 la migiuria ed il bain dad Ultum cun ers e prads a Hans Gärber, lur "bescheiden knecht". Dal temp medieval fin lunsch viaden il temp modern ha S. fatg part dal signuradi da Razén. Ses abitants eran dentant vischins da Panaduz. Suenter avair adoptà la cretta ref., è S. s'unì il 1676 a la plaiv ref. da Versomi ch'aveva obtegnì in'atgna baselgia il 1634. Dal 1720 fin il 1925 ha S. manà in'atgna scola. Il 1854 è l'aclaun sa separà dal cirquit da Razén e da la vischnanca da Panaduz ed è s'unì a quella da Versomi e cun quai al cirquit da Glion.


Litteratura:
S. Sutter-Juon, Vom Hofe Sculms, en: BM, 1927, 273-79, 303-21.

Martin Bundi

lemma precedents ScudersScumbigls grischuns lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: