Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SanitadSanta Domenica lemma sequent

Sansch Sura
Ruina da chastè, situada a 1056 m sin ina collina en vischinanza da Tälfsch a l'ur sanester da la chavorgia da Schaniela, vischnanca da Cuvlignas, tud. Ober-Sansch/Kapfenstein. La vart nord dal chastè è sbuvada quasi cumplettamain, la vart sid è mantegnida en in'autezza da plirs meters. Il 1249 èn attestads ils ministerials retics de Kaphinstain. La data da construcziun dal chastè n'è betg enconuschenta, las restanzas dateschan il pli baud dal 13. tschientaner. Il chastè da S. è attestà per l'emprima giada il 1275. El era da quel temp en possess dals signurs de Vaz, alura è el passà sco feud als Streifs, il 1351 sco ierta da Kunigunde de Vaz als Toggenburgs, il 1394 a Frederic VII (1407 Sansch). L'identitad da Kapfenstein cun S. vala sco praticamain cumprovada. Il 1570 era S. gia en decadenza. Ils von Kapfenstein possedevan era bains en il Signuradi; la derivanza da Flurin von Kapfenstein, menz. il 1412 sco proprietari da bains en Surselva, da questa fam. è intscherta.
Litteratura:
Clavadetscher/Meyer, Burgenbuch, 275 s.

Adolf Collenberg

lemma precedents SanitadSanta Domenica lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: