Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents San MurezzanSan Vittore lemma sequent

San Romerio [San Remigio]
Baselgia en la vischnanca da Brüsch ch'ha appartegnì durant in tschert temp a la plaiv da Villa di Tirano e ch'è actualmain proprietad da la vischnanca da Tiraun. S. è attestà per l'emprima giada il 1106 (ecclesia sancti Romedhii). Ella è vegnida consecrada tras l'uvestg da Com, Guido Grimoldi, ch'ha concedì la regla da s. Augustin als servitores de ecclesia e reglà las relaziuns cun il clerus da la baselgia-mamma da Villa di Tirano. La tradiziun orala locala ha affidà l'emprim insediament al moviment dals umiliads, ma i sa tracta prob. d'ina fundaziun episcopala cun la funcziun d'ospizi a la via tr. Tiraun e Poschiavo. S. disponiva d'in territori da ca. 15 km² che cunfinava cun las vischnancas da Poschiavo, Brüsch, Tiraun, Tovo e Grosotto. Il 1237 èn vegnids unids ils bains ed il chapitel da S. cun la communitad e cun l'ospital da la baselgia da S. Perpetua di Tirano. Ils fraters e las soras da las communitads vegnivan guvernads d'in rectur u d'in plevon e sustegnids da numerus famegls en l'urbarisaziun dal terren. Il 1427 è vegnida midada la baselgia, per mancanza da fraters e soras, en ina commenda. Il 1517 ha incorporà il papa Leo X ils bains al sanctuari da la Madonna di Tirano, accordond a Tiraun il possess ed il dretg da patrunadi.


Litteratura:
A. Lanfranchi, Economia agricola e società medioevale valtellinese nei documenti del convento di S. Romerio e di S. Perpetua, lic. Turitg, 1988; HS IX/1, 171-95.

Arno Lanfranchi

lemma precedents San MurezzanSan Vittore lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: