Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents RapertgRaschein, Luzius lemma sequent

Rappenstein
Chastè da cuvel construì en il grip da la chavorgia da Cosenz (vischn. da Vaz Sut). L'edifizi principal, serrà si cun in mir frontal, sa chatta cumplettamain en il grip, il tract lateral tschenta cunter il grip. Dus plauns dal chastè èn sa mantegnids. R. n'è betg attestà directamain en doc. dal temp medieval. Construì enturn la mesadad dal 13. tsch., è el vegnì bandunà a l'entsch. dal 15. tschientaner. L'attribuziun exacta dal cumplex ad in signur feudal è difficila. Tenor Otto Paul Clavadetscher e Werner Meyer appartegneva el "cun gronda probabilitad" als Tumbs e furmava ina part integrala dal signuradi da Neuburg. Erwin Poeschel attribuescha il num da R. "eventualmain" als signurs da Rappenstein, numnads Mötteli zu Sulzberg (Untereggen/SG), ina fam. da commerziants nobilisada e parentada cun ils Tumbs da Neuburg. Tenor Heinrich Boxler na po questa interpretaziun betg vegnir cumprovada.


Litteratura:
Poeschel, Burgenbuch, 206; H. Boxler, Die Burgnamengebung in der Nordostschweiz und in Graubünden, 1976, 92 s., 135; Clavadetscher/Meyer, Burgenbuch, 315-17.

Adolf Collenberg

lemma precedents RapertgRaschein, Luzius lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: