e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Stuppan [Stupan, Stuppa, Stoppa] Stuppan [Stupan, Stuppa, Stoppa], Johann Peter  Stuppan [Stupan, Stuppa, Stoppa], Hans Baptista * 1624 a Clavenna, † 1692 a Steenkerke (Flandra), ref., da Clavenna. Figl da Nicolaus, medi. Frar da Johann Peter. Stud.teol. a Leiden, alura plevon a Londra. Amicizia cun John Thurlow (secretari dad Oliver Cromwell); en quest connex ha el exequì div. missiuns politicas secretas tr. il 1654 ed il 1657 o.t. in Frantscha. Suenter ina dimora en l'Ollanda ha el pudì recrutar ina cumpagnia per Louis XIV. Il 1672-73 è el vegnì engaschà da ses frar sco col. en campagnas militaras cunter l'Ollanda. Il 1677 ha el furmà da div. cumpagnias libras il regiment Jung Stoppa senza il consentiment dals Lieus confederads (1'600 umens) ch'ha cumbattì en ils onns 1680 en Sicilia ed al cunfin meridiunal da la Frantscha cunter la Spagna e, cun S. sco brigadier (1689), cunter l'Ollanda. Publicist. Cun l'ovra  «Justifications des Colonels du Pays des Grisons qui servent en France, adressées aux Trois Ligues anno 1690» ha el refutà la critica exprimida da vart dal Grischun. Ovras: La religion des Hollandais, 1673. Litteratura: H. Caviezel, Brigadier Johann Baptist Stoppa, en: JHGG, 1892, 59 s.; P. Buzzetti, Giambattista Stoppa di Chiavenna: 1624-1692, 1915. Adolf Collenberg  Stuppan [Stupan, Stuppa, Stoppa] Stuppan [Stupan, Stuppa, Stoppa], Johann Peter  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: