Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SGNSialm, Gion Battesta lemma sequent

Sialm, Duri
* 3-7-1891 (Udalricus Basilius) a Segnas (vischn. da Mustér), † 18-12-1961 a Cuira, cat., da Mustér. Figl da Giusep Maria, pur ed organist, e da Maria Urschla n. Travers, da Pasqual. Frar da Gion Battesta. ∞ Maria n. Schmid de Grüneck, da Surrein (Sumvitg). Seminari scolastic a Cuira (patentà il 1911), studis da musica a Genevra (tr.a. tar Otto Barblan), diplom da clavazin ed orgla 1913, diplom da concert 1917. Scolast al collegi a Sviz 1917-20, dirigent a Turitg 1920-25, alura scolast a Lichtensteig/SG, a partir dal 1927 puspè a Sviz e dal 1937-57 a la Scola chant. a Cuira. Dirigent da plirs chors (tr.a. Alpina e Rezia), organist a la catedrala da Cuira, arbiter a festas da chant e recensent da musica. Cumponist dal gieu festiv «La Ligia Grischa» (text: Flurin Camathias; 1924), da numerusas chanzuns fitg enconuschentas en stil romantic tardiv (tr.a. «Allas steilas», «Canzun dallas spatlunzas», «La lavina»), da cumposiziuns per instruments, pliras messas e 25 preludis (collecz. «Iris cantatrix», 1962). In capodovra: «Benedetg Fontana» per chor, solists ed instrumentalists (1939). Il 1941 ha edì S., ens. cun Carli Fry, la versiun amplifitgada da «La Consolaziun dell'olma devoziusa» (ca. 500 chanzuns, per l'emprima giada tuttas cun melodia). S. è in dals cumponists rum. ils pli productivs e reproducids. Onurà cun il Curtin d'onur da la LG a Trun.


Ovras:
La Ligia Grischa [disc], 1950; Ovras da Duri S. [disc], [1970|; BMVR; Ovras da Duri S. [DC], 1991.

Litteratura:
Bedeutende Bündner 2, 404-08.

Thomas Gartmann

lemma precedents SGNSialm, Gion Battesta lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :