Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents DuanaDuonna Lupa lemma sequent

Duin
Vischnanca polit., cirq. Lumnezia, distr. Surselva (avant il 2001 Glogn), situada sin ina terrassa da la vart dretga da la Lumnezia, separada tras valluns da Camuns e Pitasch. Ca. 840 Auna, 1290 Aiuns, 1545 Dou’n, tud. Duvin (uffiz.). 1850 105 abit.; 1900 82; 1950 126; 1990 80; 2000 80. Scuverta da sarcofags precristians al nord da D.; attestą sco culegna (villa) enturn il 840. Enturn il 1290 existivan a D. dus bains feudals en possess da l'uvestg da Cuira, avant il 1371 ina prefectura ch'č passada il 1390 dals baruns de Belmont als conts de Sax-Mesauc. Il 1538 ha D. cumprą ora ils dretgs suverans episcopals e furmava in vischinadi ens. cun Uors e Tersnaus. En consequenza da quest'allianza č D. vegnida integrada il 1851 sco unica vischnanca refurmada en il cirquit da la Lumnezia ed č represchentada dapi alura adina cun in giurą en la dretgira cirquitala. La baselgia da S. Maria appartegneva il 1345 sco chaplania a la baselgia-mamma da S. Vintschegn a Pleif/Vella. Suenter la conversiun a la cretta ref. č ella sa separada il 1526 da S. Vintschegn e furma dapi il 1882 ina plaiv cun Riein e Pitasch. La vischnanca da D. viva surtut da l'agricultura e posseda vasts guauds, pradas, pastgiras ed alps sin territori communal. Ina mastergnanza ed in'industria turistica mancan cumplettamain. Arrundaziun dal funs e sanaziun da la via d'access sco era da las vias da guaud e d'alp 1989-2008. La depopulaziun ha pudģ vegnir franada e la scola primara, serrada per 13 onns, č puspč vegnida averta il 1989 (consorzi cun Pitasch dapi il 2005). Il 1999 ha la vischnanca burgaisa da D. fusiuną cun quella politica. Part da la pop. da lingua rum.: 1880 99% (LM); 2000 48,8%/75,0% (ML/Lindic).


Litteratura:
Camenisch, Reformationsgeschichte; Kdm GR 4, 153 s.; Gem. GR, nr 42, 1983; Gem. GR, 2003, 98; Cudischet da Duvin, 2008.

Adolf Collenberg

lemma precedents DuanaDuonna Lupa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: