Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Schocher, MartinSchons lemma sequent

Schönbächler, Viktor
* 8-3-1913 (Johann Baptist) a Nossadunnaun, † 18-1-1996 a Mustér, cat., da Nossadunnaun. Figl da Baptist, selvicultur, e da Karolina n. Kälin. Gimnasi a Mustér ed Engelberg. Entrà il 1934 sco noviz en la claustra benedictina da Mustér. Studis a l'Univ. da S. Anselmo a Roma, dr.teol., ordinà sacerdot 1938. Magister da grec e latin a la scola claustrala. Elegì sutpriur il 1941, decan il 1952 ed avat il 1963 (resignà il 1988). S. ha refurmà bainspert la cuminanza en il spiert dal Segund Concil Vatican, introducind tr.a. la concelebraziun, l'egualitad tr. ils fraters ed ils paders e l'uraziun chorala cuminaivla. Vicepres. da la Congregaziun benedictina 1967-85. Ses temp sco avat è marcà d'ina activitad da construcziun ordvart intensiva: tr.a. ospizi cun chaplutta sin il Lucmagn, ils novs stabiliments per la scola claustrala, Casa Pazzola, la restructuraziun da la baselgia da S. Maria e l'installaziun dal museum claustral. Las vastas exchavaziuns archeolog., exequidas sut S. en l'areal claustral, han mess l'istorgia tempriva dal convent en ina glisch cumplettamain nova.


Litteratura:
Cal. Rom., 1996, 430-33; Disentis, 63/1996, nr 1, 1-13; BJb, 1997, 168-70.

Adolf Collenberg

lemma precedents Schocher, MartinSchons lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :