Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Saluz, Balthasar AntonSaluz, Peider lemma sequent

Saluz, Georg
* 1571 a Gianatsch, † 20-1-1645 a Cuira, ref., da Lavin e Cuira. Figl da Johannes Leo. Biadi da Philipp Gallicius. ∞ 1590 Ursula n. Widmann, da Turitg. Studis da teologia a Turitg. Plevon a Sievgia 1590-1606, antistes e decan a Cuira 1606-45. S. ha introducì la nova cretta en las vischnancas da Zezras, Termin, Vaz Sut e Curvalda. En il temp dals Scumbigls grischuns è el sa profilà tras sia tenuta engaschada e critica envers il cumbat confessiunal. El ha redigì in «Catechismus [...] für die Jugendt der Statt Chur» (1617) che ha gì trais reediziuns. Sias abilitads sin il champ da la guariziun da plajas e sia statura dad urs èn daventadas legendaras. En sia ovra «Kurtze beschreibung des fürtrefflichen Bads Gany genannt, im Prätigöw [...]» (1649), restampada quatter giadas, sa reveleschan ses interess medicinals. El è sa deditgà cun grond engaschament als malsauns da la pesta.
Ovras:
Das Christlich Leben und selig Sterben des [...] Johann Gulers von Wyneck, Rittern, 1637.

Litteratura:
H. Berger, Der Churer Pfarrer S. (1571-1645), seine Kollegen und seine Zeit, 1962; BBKL 8, 1148-50.

Daniel Saluz

lemma precedents Saluz, Balthasar AntonSaluz, Peider lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: