Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents RodaRoedel, Reto lemma sequent

Röder, Georg Wilhelm
* 25-10-1795 a Kaub (Pfalz), † 20-12-1872 a Fulda (Hessen), ref., da Kaub, vischin dal chantun Grischun dapi il 1827. Figl da Georg, Ratskassier, e da Friederike n. Battner. 1) Friederike n. Hess, da Kaub, 2) Barbara n. Mengold, da Tusaun. Gimnasi a Wetzlar (Hessen); voluntari en las champagnas militaras cunter Napoleun 1813 e 1815, distincziuns en las battaglias da Ligny e Waterloo. Stud. teol. e filol. a Jena 1816-19, participà sco comm. d'ina uniun studentica a la festa da Wartburg. Magister a la Scola chant. a Cuira 1820-38. Sco conrectur resp. directur dal la secziun magistrala ha gì R. ina gronda influenza sin la furmaziun dals scolasts. Dal 1837-38 ha el presidià l'Uniun evang. da scola. Pervi da divergenzas ed attatgas ha el bandunà Cuira ed è alura daventà inspectur da scola a Hanau (Hessen), il 1865 è el vegnì transferì a Fulda. Publicist impurtant davart l'istorgia, la geografia ed il dretg dal chantun Grischun.


Ovras:
Kleine Bündnergeschichte, 1831; Der Kanton Graubünden, 1838 (ens. cun P.C. von Tscharner; reprint 1978).

Litteratura:
D. Jecklin, Georg Wilhelm R., Professor an der bündnerischen Kantonsschule [...], 1873.

Adolf Collenberg

lemma precedents RodaRoedel, Reto lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: