Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CrestaultaCrestomazia retorumantscha lemma sequent

Crestawald
Anteriur territori da bloccada militar tr. Sur en Valragn e Puntcrap. C. cumpigliava ina fortezza d'artigliaria cun il medem num e numerus refugis per l'infantaria ch'aveva da defender objects civils e militars sco era il territori als pass dal Spleia (primar) e dal S. Bernardin (secundar). Construcziun da la fortezza da C. 1939-42. Ils 17-6-1941 è ella vegnida surdada al detaschament d'artigliaria da fortezza 236, a partir dal 1942 a la cumpagnia d'artigliaria da fortezza 41 (a partir dal 1979 112), il 1987-94 al battagliun da fortezza I/112. La fortezza è vegnida mantegnida dal persunal da la cumpagnia da guardiafortezzas 12 ed adattada permanentamain a las novas tecnicas d'armas. Fin il 1979 cumpigliavan las truppas militaras a C. tuttas gruppas da vegliadetgna, alura mo pli la reserva. Dapi il 2000 vegn la fortezza da C. mantegnida da la Fundaziun militar-istorica dal Grischun (possessura) e da l'Uniun Museum da fortezza C. Il zercl. 2001 è il Museum da fortezza C. vegnì avert a la populaziun.


Litteratura:
Abschied vom südöstlichsten Horchposten der Schweiz, edì da F. Meisser, 1994; Befestigtes Graubünden, edì da P. Baumgartner, 2006.

Adolf Collenberg

lemma precedents CrestaultaCrestomazia retorumantscha lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: