Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Paschal, CharlesPasqual lemma sequent

Pasculaziun cumina
Dretg decretā d'ina vischnanca sin tut ils funs privats, situads en ses territori e betg exclus explicitamain da quel. Ils vischins faschevan valair il dretg da pasculaziun cumina durant tscherts temps la primavaira e l'atun. Quest dretg va enavos sin las veglias cuminanzas territorialas alpinas che furmavan grondas unitads economicas cun funs e terren da giudim la val fin sisum ils auts. Tschertas parts da quests territoris cumins čn ids en il decurs dals tschientaners plaun a plaun tras partiziun u attribuziun en possess privat; ils proprietaris da quels terrens n'eran dentant betg totalmain libers, mabain suttamess a div. restricziuns, sco p.ex. a l'obligaziun da cultivar ils funs, dals quals faschevan part era las pastgiras cuminas. Ils vischins fixavan mintgamai la primavaira la fin e l'atun il cumenzament da la pasculaziun cumina. Als domiciliads vegniva la pasculaziun cumina concedida (sche insumma) mo cunter pajament.
En bleras vischnancas č sparida la pasculaziun cumina cun l'arrundaziun dals funs, en autras percunter exista ella anc adina, o.t. durant l'atun. Las stentas da l'abolir, interprendidas da vart da gremis progressivs dapi la fin dal 18. tsch., han provocā en bleras vischnancas grondas charplinas. Ad ina pasculaziun cumina regordan toponims sco Pasculum communis, doc. il 1285 a Beiva e Pascumign sin la Mantogna (Economia alpestra).


Litteratura:
J.M. Curschellas, Die Gemeinatzung, 1926.

Martin Bundi

lemma precedents Paschal, CharlesPasqual lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: