Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Museums grischunsMüstair lemma sequent

Mussader
En la dretgira criminala da la Republica da las Trais Lias (avant il 1799) na pledavan las partidas betg sezzas, mabain tras in uschen. mussader (numnà era mussadur, pledader, bistand u fürsprech) che "mussava" co exercitar il dretg. Il mussader dal plant pledava en il num dal burser (seccalmaister), q.v.d. da la dretgira, quel da la cuntrapartida en il num da l'inculpà. La dretgira pudeva era conceder in mussader al derschader. Cuntrari al dretg modern na remplazzava il mussader betg la partida, ma fascheva part da quella. En il process civil pudevan las partidas pledar sezzas. Il term pledar (surs. plidar, franz. plaider, v.d. processar, s'engaschar per la chaussa d'insatgi) deriva dal lat. placitum, rum. opiniun, dal qual èn era sa furmadas las noziuns pled e pledoyer.


Funtaunas:
FDR.

Litteratura:
P. Tuor, Co dertgavan nos babuns sur malfatgs?, en: Ischi, 9/1907, 80 s.; DRG 1, 111 (Advocat).

Adolf Collenberg

lemma precedents Museums grischunsMüstair lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: