Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FlemFlepp, Leonhard lemma sequent

Flem, Crap da
Massiv imposant al nord da F. che stat sco in altar en la cuntrada cultivada. Il Crap da F., numną era Crap Tgietschen, furma il cunfin geografic tr. la Surselva e la Sutselva. Cronicas relatan da bovas e ruinas (il bain da Cameiler a Fidaz p.ex. para d'esser vegnģ sutterrą a sias uras d'ina bova), e la tradiziun orala rapporta d'accidents da praders e da lavurers da guaud en las paraids dal Crap da F. La legenda enconuschenta dal «Gion Paul da Flem stai si» sa referescha prob. al mastral Capol (Pol/Paul) da F. e raquinta essenzialmain da charplinas, omicidis e rapinaments da muvel sin l'alp da F. durant il temp autmedieval. Ina senda tagliada en il grip maina da Bargis sin quest'alp che cumpiglia l'entir plateau dal Crap da F. Questa senda, numnada dapi tuts temps Scala, vegn menz. per l'emprima giada il 1645 en connex cun lavurs da meglierament; anc a la fin dal 18. tsch. vegn ella descritta sco senda extremamain privlusa (mintg'onn crudavan qua animals a mort). Il 1867-68 ha la vischnanca da F. laschą tagliar ina meglra senda en il grip. Ina teleferica, che transporta dapi il 1914 material da Fidaz sin il Crap da F., maina aval ils products d'alp. Il 1939 ha sutterrą ina lavina dal Crap da F. la chasa d'uffants Sunnehüsli a Fidaz (18 morts).


Litteratura:
H. Anliker, Flims, 1961 (1982²), 130-45.

Martin Bundi

lemma precedents FlemFlepp, Leonhard lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :