Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ChascharChasegliaders lemma sequent

Chaschauna, Pass dal
Passadi a 2694 m che maina da S-chanf en l'Engiadin'Ota sur la Val C. (cun l'Alp C. a 2210 m) e la Val Federia a Livign ed a Buorm, tud. Casannapass. 1465 Val Casana, 1490 Caschauna. En il temp medieval č il C. stą in passadi impurtant per il traffic alpin local, utilisą en il 14.-16. tsch. surtut dals da Tavau e dals Engiadinais per exportar muvel ed importar vin. Per Buorm e Livign era quest pass la colliaziun la pli directa a Cuira (Alpisella - C. - Scaletta - Sapüner Steig - Scanvetg - Cuira). Il C. vegn menziuną en in rapport da l'emissari venez. Giovanni Battista Padavino dal 1605. Il zercl. 1499, suenter la Battaglia a la Chalavaina, č arrivą il cont von Sonnenberg cun in'armada imperiala da var 12'000 umens dal sid sur il C. ed ha devastą l'Engiadina. L'atun 1620 č in'armada da Confederads e Grischuns sa rendida sur il C. ed il Fus-chagn (tal. Foscagno) a Buorm per reacquistar - senza success - las Terras subditas occupadas dals Austriacs. La stad e l'atun 1635 han truppas dal Duca de Rohan utilisą il C. Oz vegn il pass frequentą mo pli sporadicamain da turists. L'anteriura caserna tal. al sid dal C. (2601 m), transfurmada en in'ustaria, vegn visitada stediamain.


Litteratura:
Pieth, Bündnergeschichte.

Martin Bundi

lemma precedents ChascharChasegliaders lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: