Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Crusch, PassCuira  lemma sequent

Crusch, Pass da la
Passadi a 2347 m che collia il Tujetsch cun la Val Maderana e la Val da la Reuss uranaisas, tud. Chrüzlipass. En il temp da Hallstatt manava prob. ina via da Biasca sur il Lucmagn ed il Pass da la C. en la Val da la Reuss. Fin en il temp medieval tardiv ha quest pass gì la medema impurtanza sco il Cuolm d'Ursera (Alpsu/Crispalt); el vegniva utilisà stediamain dals Tuatschins per il commerzi da muvel manidel (o.t. purschels) cun la Svizra Interna. Ils 24-9-1799 è il general austr. Auffenberg avanzà da Mustér sur il Pass da la C. en la Val Maderana, nua ch'el è fruntà sin ils Franzos. Fin l'entsch. dal 20. tsch. han ins utilisà il pass era per pelegrinar a Nossadunnaun. Oz ha il Pass da la C. mo anc in'impurtanza turistica marginala.


Litteratura:
H. Nünlist, Das Maderanertal einst und jetzt, 1980²; U.J. Z'Graggen, Ein Verkehrsweg durch die Zentralalpen in der Hallstattzeit?, en: HA 17, 1986, 112–19; Tujetsch, 1987.

Adolf Collenberg

lemma precedents Crusch, PassCuira  lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: