Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Pocobelli, GiulioPol [Pool], Luzius lemma sequent

Poeschel, Erwin
* 23-7-1884 a Kitzingen (Baviera), † 21-7-1965 Kilchberg/ZH, prot., da Kempten (Allgäu), comm. d'onur da Tavau (1926). Figl da Friedrich, plevon da citad, e da Clara n. Schürer. ∞ 1915 Frieda Selma Elsa Hildegard n. Ernst, da Berlin-Charlottenburg, ch'ha sustegnì el scientificamain durant sia entira vita. Gimnasi a Kempten, stud.iur. a Minca, alura referendari en in biro d'advocatura a Kempten. Per curar ina tuberculosa dals pulmuns ha el prendì domicil a Tavau il 1913, nua ch'el è stà activ sco autur d'ovras d'art e sco istoriograf d'art. Il 1929 è el sa domicilià a Turitg. Fundatur da l'istorgia e da la topografia d'art dal Grischun ed autur da div. ovras, tr.a. davart Augusto Giacometti, e d'in studi istoric davart la fam. de Castelberg (1959). P. è stà in inventarisader exact cun in sentiment segir per dataziuns, ed el s'interessava per ils connexs istorics artistics e per la lavur contemporana. En sia lavur è el sa concentrà surtut sin ils bains culturas sacrals, signurils e burgais e main sin quels purils. A partir dal 1956 ha el presidià la cumissiun da redacziun (a partir dal 1959 cumissiun da publicaziun) dal Institut svizzer per la scienza d'art, fundada il 1951. Dr.h.c. da l'Univ. da Turitg 1933.


Archiv:
ASGR, relasch

Ovras:
Das Bürgerhaus im Kanton Graubünden, 3 ts, 1923-25; Das Burgenbuch von Graubünden, 1930; Kdm GR; Die Kunstdenkmäler des Fürstentums Liechtenstein, 1950; Kdm SG 2 e 3.

Litteratura:
L. Dosch, Kunst und Landschaft in Graubünden, 2001, 26 s., 222 s.

Leza Dosch

lemma precedents Pocobelli, GiulioPol [Pool], Luzius lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: