e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pelegrinadis Pellizzari, Josias von  Pellizzari, Johann Florian (von) ≈ 23-4-1763 (Johann Fluri) a Pralung, † 3-12-1810 a Pralung, ref., da Pralung. Figl da Johann Florian, landamma. Nubil. Servetsch militar en l'Ollanda 1779-99, tr.a. proprietari d'ina cumpagnia da l'armada d'exil dal prinzi Wilhelm V d'Orania sin l'insla Wight (1798). Comm. dal Cussegl grond dal Grischun 1806-08. Maior da la LDD 1798, colonel chant. e comm. da la cumissiun militara 1803-10 (pres. a partir dal 1805), colonel en il stab gen. fed. 1805-10, cumandant da divisiun durant l'occupaziun dal cunfin a chaschun da la Revolta tirolaisa (1809). P. ha concepì l'emprima organisaziun militara dal chantun Grischun (1809) ed ha contribuì decisivamain a furmar la milissa grischuna. El ha era fundà il 1808 il corp da cadets da las duas scolas chant. a Cuira.   Litteratura: Der Telegraph aus Graubünden, 18-12-1810; F. Pieth, Aus der Geschichte des bündnerischen Milizwesens, en: JHGG, 1934, 104-11; J. Sprecher, Johann Florian von P., en: BJb, 1963, 111-13; Generalstab 3, 136. Martin Illi  Pelegrinadis Pellizzari, Josias von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: