Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Peer, AndriPeiden lemma sequent

Peer, Oscar
* 23-4-1928 a Lavin, ref., da Sent. Figl da Jon, impiegà da viafier, e da Silva n. Wieser, da Tarasp. Frar dad Andri. ∞ Monica n. Fopp, da Flem, figlia da Jakob Ernst, medi. Seminari scolastic a Cuira, alura mag. primar a Tschierv e Favugn. Studi da romanistica a Turitg e Paris, dr.fil 1964 («Der dichterische Ausdruck im Werke Gian Fontanas»). Magister da franzos e talian al gimnasi da Wintertur (1961-70) ed al Seminari scolastic a Cuira (1970-96). Autur dal «Dicziunari rumantsch ladin-tudais-ch» (1962). L'ovra litterara voluminusa da P. cuntegna prosa, lirica e dramatica en rumantsch e tudestg; pliras ovras èn translaziuns en tudestg (p.p. realisadas da l'autur sez), talian e franzos. P. tematisescha (cun in tschert pessimissem) las cundiziuns da viver umanas en societads serradas ed en ambients divers (p.ex. citad e vitg). El ha obtegnì numerus premis, tr.a. il Premi Schiller 1977 e 1996, il Prix Littéraire Lipp Zurich 2000 ed il Premi grischun da cultura 2003.


Ovras:
Accord, 1978 (transl. franz. 1999); Viadi sur cunfin, 1981 (transl. tud. 1984); Nozzas d'inviern, 1988; Tranter di e not, 1993; La chasa veglia, 2010; La ramur dal flüm, 1999 (transl. franz. 2001 e tud. 2007).

Litteratura:
Bezzola, Litteratura, 526; Deplazes, Die Rätoromanen, 476-79; Deplazes, Funtaunas 4, 270 e.a.; A. Ganzoni, P.A. Parli, Dossier Oscar P., en: Quarto, 1998, nr 9/10, 163-87 (cun reg. d'ovras); Le Temps, 15-12-2001; LQ, 22-4-2008; M. Puorger, An Oscar P., im Jahr seines achzigsten Geburtstags, en: BJb, 2008, 69-75.

Manfred Gross

lemma precedents Peer, AndriPeiden lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: