e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pedretti, Gian Pedretti, Turo  Pedretti, Giuliano * 23-2-1924 a Basilea, ref., da Maton e Schlarigna. Figl da Turo. Frar da Gian. ∞1) 1968 Rosmarie n. Eggmann, 2) 1971 Marie-Anna n. Strübin, translatura, da Berna. Creschì si a Samedan. Scola d'art applitgà a Turitg (tar Ernst Gubler), alura sculptur a Samedan 1943-51 ed a Schlarigna dapi il 1952. Segiurns da studi a Roma (1949) ed a Paris (1953), nua ch'el ha inscuntrà Alberto Giacometti. Viadis en pajais mediterrans (1953). Tematicas tractadas en sias ovras èn o.t. persunas ed animals, definids formalmain tras sumbrivas e spazis vids. P. metta en dumonda il gener da la sculptura realisada tras uschen. space drawings e la perspectiva da l'observatur tras la posiziun da la sculptura. Dapi il 1989 pratitgescha el era la pictura en acril (o.t. cuntradas abstractas), ma l'artist resta evidentamain sculptur. El ha realisà differentas picturas da paraid e sgrafits vi dad edifizis publics e privats en Svizra. Dapi il 2001 s'occupa el intensivamain dal tema "Schizo". P. è in dals davos rapreschentants da la Moderna classica. Litteratura: Giuliano P. - Skulpturen, edì da N. du Carrois, 1994; Giuliano P., edì dad U. Suter, 2004 (cun reproducziuns e reg. d'expos.); G. Kuoni, Begegnung mit Giuliano P. im Januar 2004, en: BJb, 2005, 59-67; M. Carbone, J. Jung, "Bildhauerei als Abenteuer" - Giuliano P., en: BM, 2007, 312-29; Giuliano P., Zeichnungen, edì da B. von Waldkirch e.a., 2009. Dora Lardelli  Pedretti, Gian Pedretti, Turo  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: