Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Nuotclà, JonNussio, Otmar lemma sequent

Nussberger, Gustav
* 2-6-1864 a Lenzburg/AG, † 5-5-1935 a Sent, ref., da Lenzburg. Figl da Jakob, cusunz, e d'Elisabeth n. Laffeli. ∞ 1895 Agnes n. Bazzell, figlia da Domenic, da Sent. Gimnasi ad Aarau, studis da chemia, mineralogia e fisica a la SPF Turitg (in semester a Berna), dr.sc.nat. 1892 («Ueber stereoisomere Dioxime aus Acet- und Benzoylessigäther»). Magister a la Minerva a Zug ed a la Concordia a Turitg 1885-92, alura a la Scola chant. a Cuira 1892-1932. Schef dal labor da chemia dal Grischun a partir dal 1909. Piunier da la fotografia Röntgen en il Grischun ed autoritad sin il champ da las funtaunas mineralas. Autur da 22 publicaziuns, numerus referats en servetsch da la Societad grischuna per la perscrutaziun da la natira (SGN). Sia ovra da standard balneologica, iniziada suenter sia pensiun, è restada nunaccumplida. Tr. il 1906 ed il 1925 è N. stà durant otg onns pres. da la SGN (numnà comm. d'onur).


Ovras:
Heilquellen und Bäder im Kanton Graubünden, 1914.

Litteratura:
JNGG, 73/1934/35, XV-XXI (cun reg. d'ovras); G. Bener-Lorenz, Ehrentafel bündnerischer Naturforscher, 1938, 97-99 (cun fotogr.).

Adolf Collenberg

lemma precedents Nuotclà, JonNussio, Otmar lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: